अटोमा चढेर साथीहरुसँग घरबाट मेला हेर्न निस्केका निजगढ नगरपालिका वडा नं.१२ बार्थलीका धन बहादुर लुङ्ग्बाको ट्रिपरले दाहिने हातनै छिनेको छ ।
चितवन मेडिकल कलेजको संघन कक्षमा उपचाररत ३१ ब्र्षिय धनबहादुरको स्वास्थ्य अवस्था गम्भिर छ ।
छिनेको हात जोडिने हो कि हैन अझैं टुङ्गो छैन ।निजगढकै सिंगौलमा रमाईलो मेला चलिरहेको छ ।
मेला हेर्न ८ बजे राती निस्केका अटोलाई तामागढी–रतनपुर सडकको तपस्या स्थल नजिक टिप्परको पछाडीको भागले धनबहादुरको हात छिनाएर अघि बढेको थियो ।
इट्टा लिएर त्रिशुलीतर्फ जाँदै गरेको ट्रिपरले विपरित दिशाबाट आउँदै गरेको अटो पछाडीको भागमा पेलेर अघि बढ्दा धनबहादुरको हातको कुहिनोभन्दा माथिको भागबाट छिनाएको प्रहरीले जनाएको छ ।
ठक्कर दिने ट्रिपरलाई ईलाका प्रहरी कार्यालय अमलेखगञ्जले पक्राउ गरेको छ । पक्राउ परेको गाडी र चालकलाई ईलाका प्रहरी कार्यालय निजगढमा राखेर थप अनुसन्धान भईरहेको छ ।
