अख्तियार दुरुपयोग अनुसन्धान आयोगले यातायात ब्यवस्था कार्यालय वीरगञ्जमा अख्तियारले छापामारी गरेको छ।
उजूरीको आधारमा अख्तियारको हेटौडास्थित कार्यालयबाट आएको टोलीले मंगलबार परेको उजूरीको आधारमा कार्यालयको लाइसेन्स शाखामा छापमारी गरेको हो ।
सो क्रममा उजूरीसित सम्बन्धित लाईसेन्सको फाईल र सिसिटिभी फुटेज टोलीले लिएर गएको छ ।
सिसिटीभी फुटेज र लाईसेन्सको फाईलहरु नियन्त्रणमा लिएर फर्किएको अख्तियार दुरुपयोग अनुसन्धान आयोगको हेटौडा स्थित कार्यालयका प्रमुख उमाकान्त आचार्यले जानकारी दिए ।
उनले यातायात वीरगञ्जको लाईसेन्स शाखाबाट वितरण गरिएको लाईसेन्स नियम अनुसार ट्रायल परीक्षा दिएर लिखितमा पास भएर वितरण गरेको हो कि होईन भन्ने बारेमा अनुसन्धानको लागि फाईल र फुटेज नियन्त्रणमा लिइएको बताए ।
अख्थियारमा सबै भन्दा बढी उजूरी पर्ने भनेकै यातायात कार्यालयको भएको तथा वीरगञ्जको पनि त्यस्तै उजुरी परेकोले अनुसन्धानको लागि फाईल र सिसिटीभी फुटेज नियन्त्रणमा लिएको उनले बताए ।
नियन्त्रणमा लिइएको फाईल र फुटेजहरु हेरेर उजुरीको बारेमा कारवाही अघि बढाउने आचार्यको भनाई छ । यातायात ब्यावस्था कार्यालयमा दुई वटा शाखा रहेकोमा पछिल्लो समय प्रदेश सरकारले लाईसेन्स सवारी शाखालाई मर्ज गरेको छ ।
