बिबिध कार्यक्रम गरी जीतपुरसिमरा उपमहानगरपालिकाले विश्व बातावरण दिवस मनाएको छ ।
उपमहानगरपालिकाको बातावरण तथा विपद् ब्यस्थापन शाखाले वृक्षारोपण,सरसफाई तथा बिरुवा वितरण गरेर बातावरण दिवस मनाएको शाखा प्रमुख ई. पुष्पा सिँहले जानकारी दिइन् ।
वडा नं.३ को सिमरा बजार र नेरा मा.बि.छातापिरा सरसफाई गरेर र श्री फकिरा गिरी राजेश्वर गिरी मा.बि. मा बृक्षारोपण तथा बिरुवा बितरण गरेर बाताबरण दिवस मनाईएको जीतपुरसिमरा उपमहानगरपालिकाले जनाएको छ ।
कार्यक्रममा नगर प्रमुख राजन पौडेल र वडा नं.७ का वडा अध्यक्ष सुनिल गुप्ताले संयुक्त रुपमा बिद्यालयको प्राङ्गनमा बृक्षारोपण गरेका हुन् ।
