निजगढ । उमेश घलान / “चुरे संरक्षण सम्बन्धी अन्तरक्रिया गोष्ठी” सम्पन्न गरिएको छ । कार्यक्रम २०८१ असार १३ गते शुक्रबार होटल राजमार्ग,निजगढमा सम्पन्न भएको छ ।
डिभिजन वन कार्यालय,बारा–सिमराद्वारा आयोजित उक्त गोष्ठीमा वातावरण संरक्षण,हरियाली प्रवद्र्धन,वन विनाश नियन्त्रण,सामुदायिक वनको भूमिका र स्थानीय तहको सहभागिता सम्बन्धी विषयमा गम्भीर छलफल भएको थियो ।
कार्यक्रममा डिभिजन वन कार्यालयका आठौं अधिकिकृत विमल ठाकुरको अध्यक्षतामा र बारा फेकोफन अध्यक्ष रामजी बजागाईको प्रमुख अतिथिमा भएको थियो । अन्तरक्रिया गोष्ठीमा वन कर्मचारी वर्षा लामा,सामुदायिक वनका प्रतिनिधिहरू र स्थानीय वातावरणप्रेमीहरूको सक्रिय सहभागिता रहेको थियो ।
सहभागीहरूले वन क्षेत्रको दोहन, अवैध कटानी तथा विकास योजनाको नाममा हरित क्षेत्रको विनाश रोक्न सबै तहमा समन्वय र ऐक्यबद्धता जरुरी रहेको धारणा व्यक्त गरे ।
गोष्ठीमा सहभागी वक्ताहरूले वन जोगाउनु भनेको मानव अस्तित्व जोगाउनु हो भन्नेमा जोड दिँदै स्थानीय तहले दीर्घकालीन योजना बनाउनु पर्ने आवश्यकता औंल्याएका थिए ।
कार्यक्रमले वातावरण संरक्षणप्रति सबैको साझा दायित्व रहेको सन्देश प्रवाह गर्दै वृक्ष संरक्षणमा जनसहभागिता अझ व्यापक बनाउने प्रतिबद्धता जनाउँदै समापन गरिएको थियो । डुमबरवना सव डिभिजन वन कार्यालयका रेन्जर संजय चौधरी लगायतले सहभागीलाई प्रोजेक्ट मार्फत वन संरक्षण र चुरे संरक्षण सम्बन्धि प्रस्तुतिकारण करेका थिए ।
कार्यक्रम संचालन भने निजगढ सव डिभिजन वन कार्यालयका रेन्जर निरज पोखरेले गरेका हुन ।
