Sajhedari Daily
Latest News from Nepal

काँग्रेसद्धारा प्रतिनिधिसभा विघटन विरुद्ध बाराको चारवटै निर्वाचन क्षेत्रमा विरोध प्रदर्शन

नेपाली काँग्रेसले केपी ओली सरकारले प्रतिनिधी सभा बिघटन गरेर असंवैधानिक कदम बिरूद्ध देशभरका निर्वाचन क्षेत्रमा विरोधका कार्यक्रमहरु गरिएको छ ।

पार्टीको केन्द्रीय कार्यक्रम अन्तर्गत बाराका ४ वटै निर्वाचन क्षेत्रमा सोमवार विरोध प्रर्दशन गरिएको हो । नेपाली काँग्रेस बाराले चार वटै निर्वाचन क्षेत्रमा एकै साथ विरोध ¥याली निकालिएको र कोणसभा गरिएको थियो ।

सवै स्थानहरुमा वृहद सहभागिता रहेको छ । ¥यालीमा सहभागिहरुले प्रतिनिधि सभा पुनःस्थापना हुनुपर्ने, केपी ओली मुर्दावाद लगायतका नारा लगाएका थिए ।

नेपाली काँग्रेसले बाराको निर्वाचन क्षेत्र नम्बर १ को कोल्हवी, क्षेत्र नम्बर २ को बगडमपुरमा, क्षेत्र नम्बर ३ को सदरमुकाम कलैयामा र क्षेत्र नम्बर ४ को सिमरामा विरोध ¥याली तथा कोणसभा गरिएको हो ।

क्षेत्र नम्बर १ को विरोध सभालाई केन्द्रिय सदस्य एवम प्रतिनिधि सभा सदस्य उमाकान्त चौधरी र क्षेत्रीय सभापति तथा सिम्रौनगढ नगरपालिकाका नगरप्रमुख बिजय शंकर यादब, निजगढ नगरपालिकाका नगरप्रमुख सुरेश कुमार खनाल लगायतकाले सम्वोधन गरेका थिए ।

त्यसैगरीे निर्वाचन क्षेत्र नम्बर २ को बगडमपुरमा आयोजित विरोध सभालाई नेपाली काँग्रेसका केन्द्रिय सदस्य राधेचन्द्र यादब र क्षेत्रिय सभापति रामप्रवेश यादबको अगुवाई बिरोध कार्यक्रम भएको छ ।

निर्वाचन क्षेत्र नम्बर ३ को कलैयामा नेपाली काग्रेसका केन्द्रिय सदस्य एवम पुर्व मन्त्री फरमुल्ला मंसुर, कलैया मेयर राजेश राय यादव,महिला नेतृ कलावती पासवान र क्षेत्रिय सभापति मुकेश कुश्वाहा लगायत नेताहरुले विरोध कार्यक्रमलाई संवोधन गरेका थिए ।

यसैगरी निर्वाचन क्षेत्र नम्बर ४ को सिमरामा नेपाली काँग्रेसका केन्द्रिय सदस्य बृजलाल यादब, सबिधान सभाका सदस्य एवम नेपाली काँग्रेसका पुर्व सचेतक शोभाकर पराजुली र क्षेत्रिय सभापति सुनिल गुप्ता लगायतले विरोध ¥याली पश्चात आयोजित कोणसभालाई सम्वोधन गरेका थिए ।

प्रधानमन्त्री केपी शर्मा ओलीको पुस ५ गते असंवैधानिक ढंगले संसद विघटन गरेको बिरोधमा काँग्रेसले विरोध प्रर्दशन गरेको हो ।

Comments are closed.