बाराको सुवर्ण गाउँपालिका वडा नं.६ मुसहर्नाकी कोरैसी खातुनको घरमा आईतबार विहान करिब १० बजे अचानक आगलागी भयो । आगोले अन्न, लत्ताकपडा र नगद दश हजार रुपैयाँ र मोबाइल समेत जलेर नष्ट भयो ।
कोरैसाको काखमा तीन महिनाको दुधे बालक छ । एउटा ३ र अर्को ५ बर्षका गरी अन्य दुई छोरापनी छन् । उनका पती भारतमा कमाउन भनी गएका चार महिना देखी सम्पर्कमा छैनन् । उनी छोराहरु सहित सासु ससुरासँगै बस्दै आएकीछन् ।
आईतबार मुस्लिम समुदायले मनाउने सोवरात पर्व पनि हो । आजको दिन विभिन्न परिकार बनाएर रातिमा पितृहरुको सम्झना गर्दै जाग्राम बसि भोली दिनभर रोजा बस्नुपर्ने
तर आगलागीले यो परिवारमा अकल्पनीय क्षेती पुर्यायो । आगलागीबाट मानविय क्षेती त भएन ।
तर फुसको घर सहित खाध्यान्न लत्ताकपडा सबै जलेर नष्ट भएपछि उनको ६ जनाको परिवारको विचल्ली भयो । पर्वका दिन सुत्केरी सहित बालकहरु भोकै बस्नु पर्ने अवस्था बन्यो ।
यसरी पर्वका दिन विचल्लीमा परेको कोरैसीको परिवारलाई खाद्यान्न सहयोग हस्तान्तरण गर्दै जेजेवाइसिका उपाध्यक्ष राजदेव साहले समुदायलाई पनि कोेरैसीको परिवारको सहयोगि बन्न आग्रह गरे ।
उनले आगलागीमा परि नष्ट भएको उनको घर निर्माणका लागि स्थानिय पालिका मार्फत केन्द्र सरकारले प्रदान गर्ने २ लाख रुपैंयाको सहयोग उपलब्धताका लागि समेत पहल गर्ने बताए ।
ईस्लामिक रिलिफ नेपाल र ईस्लामीक रिलिफ क्यानडाको सहयोगमा जेजेवाईसी बाराको आयोजनामा संचालित सामुदायिक उत्थानशिलता सुदृढिकरण परियोजनाले आवश्यकतामा आधारित सहयोग स्वरुप १५ हजार रुपैंया बराबरको खाद्यान्न सहितका अत्यावश्यक सामान सहयोग गरेको संस्थाले जनाएको छ ।
परियोजनाले चामल, दाल, तेल, मसला, साबुन, सरफ लगायतका अत्यावश्यक खाद्यान्न सामाग्री हस्तान्तरण गरेको हो । के खुवाउँ र कहाँबाट ल्याउँ भन्ने विपत्तीमा संस्थाबाट करिब एक महिनालाई पुग्ने खाद्यान्न सामाग्री सहयोग पाउँदा कोरैसीका ससुरा ओजेर मियाँ कुज्डाले खुशी ब्यक्त गरिन् ।
खाद्यान्न सामाग्री हस्तान्तरणका समयमा सेवा युवा क्लबका अध्यक्ष आमिर खान पठान, संस्थाका कर्मचारीहरु सहित स्थानीयहरुको सहभागी थियो । परियोजनाले यसअघि पनि यस्ता पिडितहरुलाई विभिन्न सहयोग गर्दै आईरहेको छ ।
