बाराको पथलैया स्थित गढीमाई साझेदारी बन उपभोक्ता समुहले बार्षिक कार्यक्रम अन्तर्गत चारदिने सिकाई आदान प्रदान तथा अध्ययन अवलोकन भ्रमण सम्पन्न गरेको छ ।
समूहका पदाधिकारी,सदस्य र कर्मचारी सहितको टोलीले नवलपरासी, रुपेन्देही,कपिलबस्तु र बर्दिया स्थित साझेदारी बनहरुले बन संरक्षण र बिकासमा अबलम्बन गरेको रणनितीको बिषयमा जानकारी लिएको थियो ।
आन्तरिक पर्यटनको प्रवद्र्धन गर्नुका साथै वनको विकास र संवद्र्धनमा अरु साझेदारी वनले गरेका गतिविधिका वारेमा जानकारी लिने उद्देश्यले बार्षिक कार्यक्रम अन्तर्गत अध्ययन अवलोकन भ्रमण गरिएको गढीमाई साझेदारी बन उपभोक्ता समुहका अध्यक्ष रामएकवाल साह तेलीले जानकारी दिए ।
त्यस्तै साझेदारी बनहरुको अध्ययन तथा अवलोकनले साझेदारी वनले गरेका वन संरक्षण,गरिवी न्यूनिकरण लगायतका कार्यहरुवाट आफुहरुलाई नयां सिकाई भएको टोलीका सदस्यहरुले प्रतिक्रिया दिएका छन् ।
यही गत फागुन २७ गतेदेखि ३० गते सम्म चार दिन अध्ययन तथा अवलोकन भ्रमण गरिएको थियो ।
नवलपरासी जिल्लाको कावासोती नगरपालिका वडा नं.१४,कोटटाडी स्थित मध्यबिन्दु साझेदारी बन उपभोक्ता समुह,रुपेन्देही जिल्लाको कञ्चनपुर नगरपालिका वडा नं.५ स्थित लुम्बिनी साझेदारी बन र कपिलबस्तु जिल्लामा रहेको तिलौराकोट साझेदारी बन उपभोक्ता समुहले वन विकास,सामाजिक विकास र गरिवी न्यूनिकरणका क्षेत्रमा धेरै काम गरेकाले आफ्नो सब डिभिजन पथलैया अन्तर्गत रहेको गढीमाई साझेदारी बन उपभोक्ता समुहको टोलीलाई अध्ययन अवलोकन गर्न सल्लाह दिएको डिभिजन बन अधिकृत ललन राउतले जानकारी दिए ।
यता गढीमाई बन उपभोक्ता समुहका सदस्य शेषनाथ कुश्वाहाले अन्य बन साझेदारी समूहले गरेका राम्रा कामको अवलोकन गरी आफ्नो समूहमा अझ राम्रो काम गर्न सहज हुने र अन्य समुहको अवलोकनले हामीलाई नयाँ सिकाई मात्र नभएर समान चुनौतीहरुको पहिचान र समाधानका उपाय पनि आदानप्रदान गर्न निकै सहज हुने बताए ।
अवलोकन भ्रमणले आफ्नै देशको भौगोलिक विविधताका बारेमा ज्ञान हुनुका साथै प्राकृतिक सुन्दरताको दृष्यावलोकन गरी भ्रमणमा सहभागि सबैले भरपुर आनन्द लिने अवसर प्राप्त भएको समूहका बरिष्ठ सदस्य अजित रायले बताए ।
समुहका सल्लाहकार गोपाल साहले बनसंग उधमशिलतालाई कसरी जोड्न सकिन्छ भन्ने सिक्न सकिने बताउनुभयो । बर्दियामा सञ्चालित डालो होमस्टे बाट बन भित्र पनि होमस्टे संचालन गर्न सकिने लगायत धेरै कुराको यस अध्ययन अवलोकनबाट सिक्न सकिने बताएका छन ।
भ्रमण टोलीमा उपभोक्ता,पदाधिकारी,सल्लाहकारहरु,अगुवा सहित ३० जनाको सहभागीता रहेको थियो । अध्ययन अवलोकन भ्रमणको क्रममा बर्दिया राष्ट्रिय निकुञ्ज,लुम्बिनी गौतमबुद्ध जन्म स्थल र सिजि मन्दिरकोको भ्रमण गरिएको थियो।
