सुनसरी । प्रहरीले सुनसरी हरिनगर गाउँपालिका–४ भुटहा बजारबाट ११ लाख रुपैयाँभन्दा बढीको काँचो केरासहित चार जनालाई पक्राउ गरेको छ ।
पक्राउ पर्नेमा गाडिका चालक मोरङग रतुवामाई गाउँपालिका–८ का २२ वर्षीय प्रल्हाद दाहाल, मोरङग उर्लाबारी नगरपालिका–८ का २४ वर्षीय ज्ञानबहादुर भट्टराई, सुनसरी भोक्रा हानरसिंह गाउँपालिका–२ का २७ वर्षीय सेराज मियाँ र कोशी गाउँपालिका–८ भण्टाबारीका ६० वर्षीय रामेश्वर दास रहेको जिल्ला प्रहरी कार्यालयका सुनसरीले जनाएको छ ।
प्रहरी उपरीक्षक केशबकुमार थेबेका अनुसार सूचनाको अधारमा खटिएको प्रहरीको टोलीले शुक्रबार घुस्कीबाट इनरुवातर्फ आउँदै गरेको प्र १–०२–००२ च ७४४९ र प्र १–०१–००२ च १८०१ नम्बरको पिकअप गाडीलाई जाँच गर्दा विलबिजक नभएको काँचो केरासहित नियन्त्रणमा लिएको हो ।
बरामद भएको सामग्रीको ११ लाख २० हजार रुपैयाँ मुल्याङ्कन गरिएको उनले जानकारी दिएका छन् । बरामद भएको केरा र सवारी आवश्यक कारबाहीका लागि सुनसरी भन्सार कार्यालय सेतुबन्ध कोसी ब्यारेज बुझाइएको एसपी थेबेले जानकारी दिए ।
