डकाहा खेल मैदानमा जारी वडा अध्यक्ष गोल्ड कप को दोस्रो दिनको खेल मौवा देवी यूवा क्लब बडहर्वाले जितेको छ ।
जीतपुरसिमरा उपमहानगरपालिका वडा नं.१६ डकाहामा भएको खेलमा बडहर्वाले फ्रेन्स यूवा क्लब बकुलियालाई ट्राईबेकरमा जितेको हो ।
जितसँगै मौवादेवी यूवा क्लब बडहर्वा प्रतियोगिताको सेमीफाईनल प्रवेश गरेको छ ।
निर्धारित ७० मिनटको खेलमा दुबै टिमबाट एकएक गोल भएपछि खेल ट्रईबेकरमा थकेलिएको थियो ।
ट्रईबेकरमा बडहर्वाले ४–२ गोल अन्तरमा जितेको हो ।
पहिलो हाफको ३० औं मिनेटमा मौवादेवीका १२ नंबरका खेलाडी अविसान महत्तोले पहिलो गोल गर्दै टिमलाई अग्रता दिएका थिए ।
तर अग्रतालाई मौवादेवीले जोगाउन सकेन ।
दोस्रो हाफको १३ औं मिनटमा फ्रेन्स यूवा क्लब बकुलियाका सुशिल चौधरी गोल गरेसँगै खेल बराबरी भएको थियो ।
दुबै टिमका खेलाडीले पटकपटक पाएको अवसरलाई सदुपयोग गर्न सकेनन् ।
दोस्रो दिनको खेलमा मौवादेवी यूवा क्लबका गोल रक्षक यूनेश चौधरी मेनअफ दि मेच घोषित भए ।
उनलाई आयोजक मित्र यूवा क्लबका प्रतियोगिता संयोजक मोहन बहादुर आलेले पुरस्कार प्रदान गरे ।
भोली बुधबारको खेल बिरगजं सिटी क्लब विरगजं र ओझेल यूवा क्लब टाँगिया बस्तीका बिचमा दिउँसो ३ बजेबाट सुरुहुने आयोजकले जनाएको छ ।
प्रतियोगितामा पहिलो हुने टिमले ५० र दोस्राले २५ नगद सहित ट्रफि प्राप्त गर्ने छन् । खेल कार्तीक ३ गते सम्म चल्ने छ ।
