बन सुरक्षा समन्वय समिति बाराको कोल्हबीमा सम्पन्न बैठकमा अतिक्रमित बन क्षेत्रमा पुन बन क्षेत्र कडाईको साथ स्थापित गर्ने बिषयमा छलफल भएको छ ।
बन सुरक्षा समन्वय समिति बारा अध्यक्ष प्रमुख जिल्ला अधिकारी नवराज सापकोटाको अध्यक्षतामा भएको बैठकले बन अतिक्रमित क्षेत्र पुनस्र्थापित गर्ने निणर्य गरेको हो ।
वैठकमा सो क्षेत्रमा काठ,दाउरा,चोरी निकासी रोक्न, पतालगंगा सिमसारको संरक्षणसंबद्र्धन् र डि.पि.आर अनुसार स्रोत साधन कसरी जुटाउँने,बन संरक्षणको बिबिध बिषयमा छलफल भएको डिभिजन बन कार्यालय बाराका प्रमुख बिनोद सिँहले जानकारी दिए ।
प्रमुख जिल्ला अधिकारी नवराज सापकोटाले अतिक्रमित बन क्षेत्रलाई बनको मातहातमा ल्याई बोट,बिरुवा रोप्ने बताएका छन । वैठक पश्चात सार्बजनिक जग्गा अतिक्रमण भएको गुनासो आएको ठाउँको निरिक्षण गर्दै सोही क्रममा प्रमुख जिल्ला अधिकारी सापकोटाले यस्तो बताउनु भएको हो ।
बैठकमा जिल्लाको शान्ति सुरक्षाको प्रमुख,बनकर्मी र सञ्चारकर्मीहरुको सहभागिता रहेको थियो । बारामा करिब २५ प्रतिशत बन क्षेत्र बिभिन्न बहानामा अतिक्रमणको चपेटामा परेको तथ्याकंले देखाएको छ ।
