मधेस प्रदेशका भौतिक पूर्वाधार विकास मन्त्री तथा नेपाली काङ्ग्रेस मधेसका सभापति कृष्ण यादवले मधेसमा शैक्षिक विकास हुने गरी काम गर्ने बताएका छन् ।
उल्लेख्य शैक्षिक विकास हुनेगरी प्रदेश सरकारले काम गर्ने उनले बताएका छन् ।
निजगढको लालस्थित श्री नेपाल राष्ट्रिय आधारभुत बिद्यालयको ३४ औं जन्मोत्सव कार्यक्रमलाई आइतबार उनले सम्बोधन गरेका हुन् । मन्त्री यादवले मधेसमा शैक्षिक स्तर कमजोर रहेको जनाए ।
उनीहरुले मधेस सरकारले शैक्षिक गुणस्तरमा जोड दिने बताए । बिद्यालयहरुको शैक्षिक विकासमा भौतिक पूर्वाधारको अवस्था समेत बलियो हुनुपर्ने जोड दिए । उनले भौतिक पूर्वाधार विकास मन्त्रालयले बिद्यालयहरुको भौतिक पूर्वाधार बिकास गर्ने मन्त्री यादवले बताए ।
विकट स्थानमा रहेर पनि शैक्षिक प्रगति हासिल गर्न उल्लेखनीय भूमिका निर्वाह गरेको बताउदै श्री नेपाल राष्ट्रिय आधारभूत बिधालय लालको भौतिक पुर्वाधार विकासमा प्रदेश सरकारले सहयोग गर्ने प्रतिबद्धता जनाए । बिद्यालय व्यवस्थापन समितिका अध्यक्ष सिद्धार्थ लोप्चनको सभापतित्वमा जन्मोत्सव कार्यक्रम सम्पन्न भएको हो ।
नेपाली काङ्ग्रेस मधेसका उपसभापति चन्द्रशेखर यादव,निजगढकी उपमेयर सोममाया थिङ,पुर्व मेयर सुरेश कुमार खनाल,समाजसेवी शम्भु बहादुर बुढाथोकी,पेमासिद्धी लामा,वडा अध्यक्षहरु लगायत स्थानीय राजनैतिक दलका प्रमुख तथा सामजसेवीहरुको सहभागिता रहेको थियो ।
