मधेश प्रदेशका मुख्यमन्त्रीले मंगलबार मन्त्री परिषदलाई विस्तार गर्नुभएको छ ।
पाँच राज्यमन्त्री थप गर्दै मुख्यमन्त्री सतीशकुमार सिंहले मन्त्री परिषद् विस्तार गर्नुभएको हो । मंगलबार थपिएका पाँच राज्यमन्त्रीलाई मुख्यमन्त्री सतिश कुमार सिंहले पद तथा गोपनीयताको शपथ ग्रहण गराएका छन् ।
जनकपुरस्थित मधेश भवनमा आयोजित शपथग्रहण समारोह’मा मुख्यमन्त्री सिंहले प्रदेश प्रमुख सुमित्रा भण्डारी र मन्त्रीहरुको उपस्थितिमा नयाँ थपिएका राज्यमन्त्रीहरुलाई शपथग्रहण गराएका छन ।
थप भएको नयाँ राज्यमन्त्रीहरुमा एमालेका मोहम्मद जैद आलम भौतिक पूर्वाधार विकास राज्यमन्त्री, लोसपाका रामवावु यादव शिक्षा तथा संस्कृति राज्यमन्त्री र जनमतका शम्भु कुमार साह उद्योग,वाणिज्य तथा पर्यटन राज्यमन्त्रीको शपथ लिएको मुख्यमन्त्री कार्यालयले जनाएको छ ।
यसैगरी थपिएका मन्त्रीहरुमा नेपाली कांग्रेसको तर्फबाट रेखा ठाकुर भूमि व्यवस्था,कृषि तथा सहकारी राज्यमन्त्री र निलम कुमारी रजक उर्जा,सिंचाई तथा खानेपानी राज्यमन्त्रीको शपथ लिएका छन ।
थपिएको राज्यमन्त्रीहरु सहित अब प्रदेश सरकारमा मन्त्रीको संख्या २० पुगेको छ ।
