बारा । बाराको कलैया उपमहानगरपालिका–११ मा विद्युत् सर्ट भएर आगलागी हुँदा करिब ५ देखि ७ लाख रुपैयाँ बराबरको क्षति भएको छ।
स्थानीय हनुमान प्रसाद साहको घरमा बुधबार राति करिब १ बजे विद्युत् सर्ट भएर आगलागी भएको जिल्ला प्रहरी कार्यालय बाराले जनाएको छ।
आगलागीमा परी एउटा बाछो, एउटा भैँसीको पाडो र दुईवटा बाख्रा जलेका छन्। प्रारम्भिक अनुसन्धानका क्रममा आगलागीबाट करिब ५ देखि ७ लाख रुपैयाँ बराबरको क्षति भएको खुलेको प्रहरीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय बाराले जनाएको छ।
